Kürä's Fyrabe


Von: 20.07.2021 um 17:30
Bis: 25.07.2021 um 22:00

Dr Kürä isch ändlech ume zrügg! Vom Donnschtig, 10. Juni bis Sunntig, 22. Ouguscht 2021 gniesst dr Kürä wider dr Fyrabe i sim Gärtli im Selve-Park in 3600 Thun u hofft wider möglechst viu Lüüt dörfe z begrüesse. Gäu, du bisch nöime o drbii!? Dr Kürä wartet nämlech uf di!

Beschreibung

Dr Kürä isch wider zrügg! Dä Winter u dr bishärig Früehlig hei ihm scho rächt zuegsetzt. Jede Tag wos grägnet het, heter sech nach de warme Summertäg gsehnt, woner wider mit sine zauriiche Gest i sim Gärtli bim Selve-Park z Thun cha höckle u si Fyrabe gniesse. Aber itz isches ändlech wider sowiit! Am Donnstig, 10. Juni tuet dr Kürä wider uuf u hofft druuf wider möglechst viu Lüüt dörfe z begrüesse.

Üüüh aber muesch nid meine, dr Kürä isch untätig daheim ghocket. We de es ungrads Mau z Wätter drnah isch gsi, heter jedi freii Minute i sim Gärtli verbracht u het gwärchet u gmacht u tah. Är het z Gärtli wider für öich zwäg gmacht, a sine Getränke-Kreatione tüftlet, het am Lisi gseit waser de Gest gärn zum Habere möcht aabiete u sech überleit wie me sech süsch no Zyt cha vertöörle. Chasch di auso fröie u gspannt sii, was dr Kürä usem Ermu gschüttlet het.

Zu fougende Zyte triffsch du dr Kürä i sim Gärtli ah:

Mäntig: Denn het dr Kürä öpis angers los u isch leider nid ume.
Zistig bis Fritig: Haubi 6i bis 10ni am Aabe
Samstig u Sunntig: 4i am Nami bis 10ni am Aabe

Dr Kürä fröit sech uf au Fäu, dr Fyrabe wider chönne im Selve-Park z verbringe!

Witeri Infos fingsch uf Kürä’s Website.

Veranstaltungsort

Selve-Park
Scheibenstrasse
3600 Thun


Öffnungszeiten:
Zu fougende Zyte triffsch du dr Kürä i sim Gärtli ah:

Mäntig: Denn het dr Kürä öpis angers los u isch leider nid ume.
Zistig bis Fritig: Haubi 6i bis 10ni am Aabe
Samstig u Sunntig: 4i am Nami bis 10ni am Aabe


Veranstaltungsdetails

Klicken Sie hier, um die Preisliste als Bild herunterzuladen.
Klicken Sie hier, um die Preisliste als PDF herunterzuladen.

Kontaktdaten

Tel: +41 78 842 40 23
Klicken Sie hier, um dem Veranstalter eine Mail zu schreiben.
Homepage https://kueraesfyrabe.ch/

Anfahrt/Parkplätze

Öffentlicher Verkehr
Nimm vom Bahnhof Thun dr 4er oder dr 6er-Böss u stig ar Bösshautsteu Thun, Guisanplatz uus. Louf när dert öpä 300 Meter t Schiibestrass z dürab bis zum Selve-Park. Dert gsehsch de am Kürä sis Gärtli u winer gmüetlech si Fyrabe gniesst.

Parkplätze
Vorem BIZ Thun ar Schiibestrass 11 hets aber es paar zahligspflichtigi Parkplätz. Vo sich uus cha dr Kürä leider ä ke Parkiermöglechkeite zur Verfüegig steue.